Mutongoria wa kiama kia ODM Raila Odinga augite gicunji kia maavitha a thirikari thiini wa utongoria wa rais Uhuru Kenyatta nimo marigiririe rais kuvingia wira wake termuri yake ya mbere oviciri.
Raila augite andu ama mendaga kumugwithia nwati makiremwa termuri ya kairi niundu rais Uhuru niurutite wira mwingi maunduri megie ukuria wa vururi.
Ino ni miario aritie ari cukururi wa Mount Kenya University mwena wa Thika kauntiri ya Kiambu umunthi riria ekinyirie kuu kuvurira ndeve Azimio la Umoja niundu wa kugwata andu makiria ma kumugwata mbaru ithuranori cia mwaka uyu mweri wa kanana.
Raila niwiriririte akenya ati angikavotana ithuranori cia mweri wa kanana, niugatigirira niwavirithia nambere ukuria wa vururi kuma varia rais Uhuru agakorwa atigirite.
-Mbuya Ngari-
Mbica irutitwe online