Makiria ma arutwa ngiri 20 aria maumite miciiiri itevotete nimatethekete kumana na bursary ya makiria ma milioni 60 thiini wa muvango wa uvecani wa bursary kauntiri ino ya Embu. Arutwa aya mari thiini wa macukuru ma Secondary na maria ni ma kwinuka thiini wa icigo itiganite kauntiri ino.
Akiaria na arimu anene a macukuru mama ma Secondary undumwe na arugamiriri kuria Embu Talent Academy, minista wa kithomo kauntiri ino ya Embu, John Kiamati augite mbeca ino ni gitina kiambere kia kigina kia kunyitirira kithomo kauntiri ino.
Kiamati akiongorera muthenya wa umunthi nimavecanite muigana wa milioni 64 ngiri magana mairi ma mirongo iiri na ithano varia mbeca ino ivecanitue kuria arutwa 20,789 aria mari macukururi ma Secondary mari ma kwinuka thiini wa wadi cionthe 20 kauntiri ino.
Wauguo Kiamati niaugite gavana Martin Nyaga Wambora akoretwe ari muvariri wambere gutigirira thirikari yake niyekirira kithomo.
Kaari Mugendi
