Muvuri mbiacara uri gatu Jimi Wanjigi niukinyitue igotiri ria watho ria Milimani vuva wa kurara gituori kia vorithi gia Kamukunji Nairobi.
Wanjigi arekirue ngono igoro Jumaine na athitangitwe na mavitie ma kuvanga kwiiya mugunda na gukorwa na title deed ya maveni.
Ruvonge rwa uthuthuria wa wikinai rurendekithirie gwocerwa makinyo ma watho kwa Wanjigi na mutumia wake Irene Nzisa niundu wa kugia mbeca na njira itagiririkite na kuvanga kwiya mugunda uria ni wa mwigana wa billion 1.2 mwena wa Nairobi.
Maavitha a DCI maavecanire mateta mama kuri munene wa nthitango cia mwingi tariki 10 mweri wa December mwaka muthiru makienda Wanjigi na Nzisa gatagatiri ka andu engi mathitangwe na mavitia ma kwamukira mbeca million 56 kuma kuri Kenroid Limited magiitua nwamavote kwenderia kambuni ino mugunda uyu uria uri varavarari ya General Mathenge mwena wa Westlands.
Maavitha a DCI nimaambiriritie uthuthuria wa kumenya mwene mugunda uyu ni uriku niundu andu athatu marauga mugunda uyu ni wao.
-Mbuya Ngari-
Mbica irutitwe online
