Mutongoria wa kiama kia ODM Raila Odinga niwaniririte moogaruruku maria avangite gukareta thiini wa mbonge cia urimi, kithomo na ugima wa mwiri, angigatwika rais wa vururi wa Kenya thiini wa kithurano kiria giukite kia mweri wa kanana.
Akiaria na atongoria matiganite kuma gitaru kia North Eastern umunthi ari mwena wa Nairobi, Odinga niugite utongoria wake ukathondeka riera riega ria kuthondekwa kwa mawira na utonga wa akenya thiini wa gitaru kiu kia North Eastern.
Augite akambiriria mitaratara miega ya kithomo kuri akenya, iria igatigirira wa murutwa niwagia kithomo kia gikiro kiria kiagiririku.
Mutongoria uyu wa kiama kia ODM augite akambiriria iganda cia nyama mwena ucio wa North Eastern, akiuga wira uria mwingi marutaga ni kurithia maviu na uguo iganda ino igatethereria guukiriria wonjoria wa mwena ucio.
Mwenari wake minister wa kigina Ukuru Yatani, niugite gitaru giki kia North Eastern nikiragwata mbaru Raila Odinga ivenyari riri ria gutwika rais wa Kenya.
-Mbuya Ngari-
Mbica irutitwe online
