Wakili John Khaminwa niumenereretie utongoria wa vururi uyu wa Kenya akiuga atongoria a Kenya, ni andu maracutha mawira magiitucaga kuri undu maangiikira akenya. Ino ni miario aritie umunthi Aramici thiini wa kuthikirirua gwa ciira ya BBI.
Ndagitari Khaminwa augite vururi uyu uravata andu makureta mawoni ma gukuria Kenya na kugitira katiba yao.
Augite andu aria marendekithia kuthondekwe iturwa cia Prime minister na munini wake, maracutha tu mieke ya kuthondeka mawira niundu wa kureta muthutukanio wa kinduriri.
Riu niuritie igoti riri ria Supreme kugitira katiba riria magakorwa magitua wamuri wao varia muthenya uyu wa umunthi na uria ni wa kathatu ni wa mwico wa kuthikirirua gwa ciira uyu wa BBI.
Njanji munene Martha Koome augite manjanji magakorwa magioca kavinda niguo kuvecana wamuri wa mwico na makavecana muthenya uria wamuri uyu ukavecanwa.
-Mbuya Ngari-
Mbica irutitwe online
