Arutwa airi a kirathi gia kanana kuuma cukuru wa mucingi wa Kizingitini Kisiwa kuria Lamu East maravoria ngurario vuva yaao kuruira mundumurume.
Kurerikana airi aya aria maina miaka 16 mambiririe kuruira mundumurume uyu kirathiri na uria urutaga wira wa DJ.
Ndeto makiria ikiuga umwe wa arutwa aya nike ucungire mbara ino vuva ya kutharikira ucio wingi na icembe na kumutema uthiu. Mwiritu uria utharikirwe ocire ikinyo ria gutema uria umutharikire na kaviu njarari.
Airi aya matengerirue thivitari kuamukira urigiti na riu mavingiritue stationiri ya vorithi ya Kizingitini metererete gukinyua igotiri.
Maavithaa a vorithi nimambiriritie uthuthuria wigii gicanjama giki niguo mavote kumenya gitumi kiria gicangire mbukaniriro ino igii DJ uyu na uria urikitie kwithitha.
Kaari wa Mugendi
Mbica irutitue online
