Rais Uhuru Kenyatta umunthi Aramici thiini wa thingira wa iregi Nairobi niwikirite kirore riendekithia ria bill ya kureta moogaruruku thiini wa ciama cia giuteti kana Political Parties’ Amendment Bill 2021 na gutwika watho.
Bill ino yavitukirue mbungeri ya vururi kavinda ka ngunguiro cia thiguku ya Christmas na mwaka muceru, mbere ya gukinyua mbungeri ya Senate iria iravitukirie bill ino muthenya wa igoro Njumatano.
Watho uyu riu muceru, urareta moogaruruku thiini wa gicunji kia watho wa ciama cia giuteti wa mwaka wa 2011 varia ndeto igie kuthondekwa kwa muungano wa ciama cia giuteti witikiritue, gugakorwa na kuroria wira wa ciama cia giuteti uceru wa undumwe na gucenjia mutaratara uria utumikaga kugia mbeca cia ciama cia uteti gatagatiri ka moogaruruku mengi.
Bill ino ikinyirue kuri rais Uhuru Kenyatta niguo ikirwe kirore, ni munene wa watho Paul Kihara, spika wa mbunge ya Senate Ken Lusaka, spika wa mbunge ya vururi Justin Muturi undumwe na mutongoria wa aria engi mbungeri ya Senate Samuel Poghisio na mutongoria wa aria engi mbungeri ya vururi Amos Kimunya.
Engi marari igongonari riri ria mwanya ni munene wa mootungata ma mwingi ndagitari Joseph Kinyua, karani wa mbunge ya Senate Jeremiah Nyegenye na karani wa mbunge ya vururi Michael Sialai.
-Mbuya Ngari-
Mbica irutitwe online
