Thirikari ya County ya Embu niyuritwe kuthondeka varia mwingi ungithomagira undwire na kiumo kia muyembu na mumbeere.
Muteteri wa ivoto cia arimi John Njiru Kathangu na uria uravoya giti kia Mumbunge wa Runyenjes na Kiama gia PNU augite gutura vandu va kuthomera undwire gutumite mitugo ithii na mbere kuthuka.
Akiaria na metha ya movoro ya Kimuri FM, Kathangu augite kavindari gaka macira mengi wana maria Manini mararugamira igotiri mugaru na vindi ya tene
Airi aya maugite gutwarana magotiri riria mundu avitirua nikuthiragia itio gatagatiri ka arata na andu a mucii na kuga vari na vata andu maranirie mbere ya kwandikithia cira magotiri.
Ndeto ino niinyititwe mbaru ni mutaramu wa undwire Joseph Kabiero kuma gicigori kia umbunge kia Mbeere ya iguru.
Miario ino yukite wa riri mitugo ya wiki nai ithiite nambere kwongerereka vururiri na gucungirira andu engi gutwarana magotiri.
–Mwende Jackie
–Mbica irutitwe online
