Onjoria 16 a boda boda aria mekirue ngono niundu wa kutharikira mutumia umwe varavarari ya Wangari Mathai kauntiri ya Nairobi nimarekereretue vuva wa munene wa nthitango cia mwingi kuuga gutiri na cira wa gucokia.
Onjoria ama nimauritue gwoca indo ciao mbere ya tariki imwe mweri muku wa kana.
Aramici kiumia kivituku, acirithania a Milimani nimo Robinson Ondieki na Gilbert Shikwe nimerirwe file ya uthuthuria niivecanitwe oviciri ya munene wa nthitango cia mwingi.
Avithaa wa uthuthuria Lyvonne Mwanzia, niwauririe acirithania ama kuva ovici ino ya munene wa nthitango cia mwingi mithenya itano niguo gutua wamuri wake.
Kunari uguo, mucirithania Shikwe niwavere ovici ino mithenya iri nginya umunthi tariki 28.
-Mbuya Ngari-
Mbica irutitwe online
