Ruvonge rwa ugima wa mwiri nirwaniririte arwaru 9 aceru aria monekanite na murimu wa COVID-19 kuuma kuri ithimi 3,255 iria ciekitue vanduri va mathaa 24 mavituku na kiria ni gicunji kia 0.3 vari igana.
Namba ya aria monekanite na murimu uyu kuuma riria wakinyire guku vururiri ikinyite 323,383, nacio ithimi iria ciekitue ni 3,502,787.
Akenya ni mugwanja naao aria maumite nja ya vururi ni airi. Atumia ni atano naao anduarume ni aana. Uria munini muno aina miaka itano na uria mukuru muno aina miaka 62.
Kaunti ithatu nicio ciandikithitie arwaru umunthi matongoretwe ni Kaunti ya Nairobi iina arwaru 7 nacio kaunti cia Busia na Machakos ikiandikithia mundu umwe wa kaunti.
Kavindari wakau andu 18 nimavorete na onthe maramenyagirirua mucii. Namba ya aria mavorete ikinyite 317,608, varia 264,594 maumite muvangori wa kumenyererua mucii naao 53,014 makirekererua kuuma mathivitari matiganite guku vururiri.
Andu 17,535,200 nimarikitie kuvewa njanjo niundu wa murimu uyu wa Covid-19.
Kaari wa Mugendi
Mbica irutitue online