Vava mutheru Francis niuthurite Rev. Fr. John Mbinda, CSSp aita muthikavu wa diocese ya gatoriki ya Lodwar. Vatiri Mbinda ni wa kiungano kia Holy Ghost Fathers (Spiritans).
Ndumaniriri ino icavithirue ngathetiri ya L’Osservatore Romano kuria Rome thaa mugwanja cia muthenya umunthi. Murugamiriri wa Vava Mutheru mavururiri ma Kenya na South Sudan, Bert Van Megen, niutumite ndumiriri ino kwi kiama kia athikavu a kanitha gatoriki.
Mbere ya kuthurwa gwake, Vatiri Mbinda niuratungatite ta munini wa mwene micene parishiri ya Our Lady of Grace na kavindari gaka aratethereria miceniri ya St. Edward kuria Chiswick, Archdiocese ya Westminster vururiri wa Ngeretha varia aranyitiririte kuuma tariki 1 mweriri.
Vatiri Mbinda aciarirue tariki 5 mweri wa gatano mwaka wa 1973 kuria miceni ya Kanzalu diocesiri ya Machakos. Niwatonyire cukuru wa Spiritan Missionary Seminary kuria Arusha, Tanzania, mwaka wa 1993 na akiambiriria kuthomera uvatiri mwaka wa 1996 varia ocire mevita make ma mbere mwaka wa 1997 kuria Magamba, Lushoto – Tanzania. Niwacokire akithii kuthomera theology kuria Tangaza University College mwaka wa 1997.
Vuva ya guoca mevita make ma muthia, niwakunirirue ta deacon mwaka wa 2001 na tariki 18 mweri wa gatano mwaka wa 2002 agikunurwa aita vatiri. Ari vatiri muceru niwatumirue miceniri ya Kositei diocesiri ya Nakuru varia arutire wira gatagatiri ka andu a ruriri rwa Pokot vanduri va miaka 7. Niwacokire akithii vururiri wa Ireland kuthomera degree ya Masters mathomori ma uthii wa nambere.
Vuva ya gucoka Kenya mwaka wa 2009, niwaverwe wira wa vatiri mwene miceni wa St. Austin’s, Archdiocese ya Nairobi kuria atungatire vanduri va miaka 6.
Niwathurirue ta murugamiriri munene wa Kiungano giki kia Spiritans niundu wa mavururi ma Kenya na South Sudan mweri wa January mwaka wa 2015 varia atungatiri itina igiri nginyagia January mwaka wa 2021.
Niwacokire akithii kuria Ngeretha varia atungatire kanithari ya St. Chad RC kuria South Norwood, Archdiocese ya Southwark kuuma mweri wa kenda mwaka wa 2021 nginyagia tariki 31 mweri wa kathatu mwakari.
Kaari wa Mugendi
Mbica irutitue online
