Muthenya wa umunthi iri aramici nthuure kwiina sacramenti igiri cia vata irakunguirwa, iria ya uvatiri kana ya ngunurano na ya eukaristia.
Diocesiri ya Embu kurari na mitha ya gukunguira thiguku ino ya mavatiri na iria itongorirue ni muthikavu Paul Kariuki Njiru. Muthikavu Kariuki niuvoete irathimo cia Ngai niundu wa mavatiri onthe niguo wira uyu wambirirue thiini waao ukorwe wiina maciaro wauguo akivoya kuongerereka gwa maritana.
Kuuma umunthi turengira kavinda ka mithenya ithatu karia gecekine wega ta Easter Triduum niguo tuvote kwivariria waro kuriuka gwa muvonokia wetu Yesu Kristo ta uria muthikavu Kariuki atariritie.
Umunthi turakunguira riria Yesu eneganire ari mugate wa uturo niyo Eucharistia. Kavinda gaka ka mithenya ithatu nikambiriria na ngunguiro ino ya Eucharistia, varia mitha ciekikire kuuma thaa kenda cia muthenya.
Muthenya wa njumaa njega akristiano makanyitanira na matanjiuro ma Yesu na kuthii njira ya mutharava makirumirira matiina maria Yesu Kristu arumirire. Ava akristiano nimataritue kwiiga mari atheru na kuthii sacramentiri ya umburi niguo mavote kwivariria wega niundu wa iriukiro.
Njumamoci ni muthenya wa marara nja varia gukoragwa na mitha ya gukunguira rugano rwa uvonokia wetu.
Kaari wa Mugendi
Mbica irutitue online
