Muthikafu wa Embu Paul Kariuki Njiru niaugite muthenya wa kiumia tariki inyanya niguo gugakorwo na muthenya wa maritana kuri etikia . Muthikafu Kariuki akiaria na Kimuri fm na njira ya mwanya, niataririe gitumi gia gukorwo na muthenya uyu.
Muthikafu augite uu ni kuringana na maandiko matheru ma muthure Mathayo, riria Kristo augire andu maboe niguo Ngai atume aruti a wira mugundaini wake, na ningi kuboera maritana niguo kugie na airitu na anake aingi aria marerutira kuruta wira wake.
Akierethera uboro wiigii muthenya uyu augite muoroto waguo ni gukorwo kanitha niri na itemi ria kuboera maritana.
Ningi niaugite muoroto wa muthenya uyu ni gukorwo mari aira a maundu maria mathomete kuuma kuri Kristo.
Niguo gukinyaniria matanya ma muthenya uyu, Muthikafu Paul augite kanitha niyuritie mabatiri kuuma nyumba cia maboya kuboera aria matwikite mabatiri oro undumwe na micii na ningi kubunjia na kwaririria bata wa anake na airitu kwirutira niguo kuruta wira wa Kristo mari ta mabatiri.Ningi nioritie aria marenda kuruta wira wa Kristu meta mabatiri kwiandikithia niguo mambie gwika uguo.
Ningi niaugite nigugakorwo na itega ria keeri riria rikarutwo niguo kanitha itiithiririe niguo kumenyerera maritana, na riria ritumagwo kwi baba mutheru.Kabinda okau niaugite mbeca icio ikoragwo ciri cia bata muno guku akiuria etikia kwirutaniria bari itega riu.
–Muriithi Amos-
Mbica irutitwo online
