Maavitha a vorithi kauntiri ya Embu nimaikitie ngono mundumurume umwe na uria urekuirwa gukorwa agikuria vangi mugundari wake.
Vuva wa gukunyirua ni mwingi maavitha a vorithi nimarekinyirie iturari ria Kiamuringa muthenya wa igoro mathaari ma muthenya na gukora mwikuirwa akuritie vangi vamwe na miraa na kumwikia ngono niguo kumuvunga mavuri.
Maavitha a vorithi nimarakurire mumera uyu wa vangi na uria ugatumika ta wyra kavida karia mwikuirwa agakinywa igotiri.
Navau kavere maavitha a vorithi nimaramatite 250 grams cia vangi iria mwikuirwa arakethete kavida karia maracaragia vangi ino nyombari yake.
Avitha munene wa vorithi ,Embu Daniel Rukunga augite mwikuirwa niagucemania na watho.
Wauguo Rukunga niuvecanite mukana kuri mundu wa guonthe akethirirwa agikuria vangi kana kwendia na kuuga ndagakorwa akirekererwa.
Komicona wa kaunti ya Embu Dr Eddyson Nyale niucokeretie ngatho maavitha a vorithi niundu wa guoca ikinyo ria nevenya.
Wauguo komicona Nyale augite vangi niirananga mbeu mbithi engi kuvitukira wendia wayo na uvatie gukorwa utagwitikirua.
-Mwende Jackie
-Mbica irutitwe online
