Ruvonge rwa ugima wa mwiri niruvecanite mukana wa kwithondeka na ndawa cia kuthiria ururu nicio pain killers na makiria muno ya Diclofenac.
Thiini wa ndumiriri iria ivecanitwe umunthi, board ya ndawa yugite ndawa ino cia kuthiria ururu ivatie gutumirwa riria mundu erwa ni ndagitari.
Avithaa munene wa board ino ndagitari Fred Siyoi avecanite mukana na kuuga kuri na moogwati ta ma murungamo wa ngoro kana gukua ciiga mwena umwe, andu mangithii nambere gutumira ndawa ino materitwe ni ndagitari.
Andu aria mari na rugano rwa murungamo wa ngoro kana gukua ciiga imwe cia mwiri, kuvingika kwa mikiva imwe kana manathinjwa niguo kuvingura mikiva, nimauritue wanamo kuithema na ndawa ino.
Aria magucagia thigara, aria mari na murimu wa kwambatira kwa nthakame kana mari na murimu wa cukari nimauritue kwona ndagitari mbere ya matumirite ndawa ino.
-Mbuya Ngari-
Mbica irutitwe online
