Jaji munene Martha Koome niereithitie ndeto iria yaretire ndugamano ya kwamurwo kwa majaji mirongo ina, na rubonge rwa magoti kuruta wira ruri na ukunderu wa namba ya majaji, ta mathina maria akoretwo akigumira kuuma aiyukie wabici mwaka umwe muthiru.
Koome augite uguo akiaria na ceceni imwe ya umemerekia muthenya wa umuthi, kuuma oerere utongoria wa rubonge rwa magoti,kuri uria wari gituruani kiu Chief Justice David Maraga.
Ndeto ya kwamurwo kwa majaji acio, niaretire ngarari gatagati ka Maraga na mutongoria wa bururi Uhuru Kenyatta,thutha wa Mugathe Uhuru kurega kumabitukia akiuga amwe a aria magwetetwo, matiari na uigiririki wa kuoya utungata rubongeini rwa magoti.
Mwaka muthiru mweri wa gatandatu, Rais Kenyatta niekirire ngathetini ya thirikari maritwa ma majaji mirongo ithatu na ana, bari mirongo ina na gutigirira atandatu ona thengia wa kuthing’iririo amure jaji mari othe.
Koome augite aingirire utongoriani wa magoti riria wari wigucitie muno bari uthii wana mbere.
–Muriithi Amos-
Mbica irutitwo online
