Rev FR. Dr. Alex Mati wa diocese ya Embu nukunguirite miaka 25 ya uvatiri, mambura marecuritwe ni gikeno ni gukunguira kiveo kia uvatiri.
Ngunguiro ino ciambiririe na igongona ria mitha ritongoretue ni His Eminence John Cardinal Njue ai vamwe na muthikavu wa Embu Paul Kariuki Njiru na mavatiri engi kanithari wa Our Lady of Assumption Embu.
Cardinal Njue augite uyu ni muthenya wa mwanya wa gucokeria Ngai ngatho na kuvoera vatiri Mati niguo avote kuthii nambere gutumikira Ngai kuvitukira gutungatira akristu.
Wavo Cardinal Njue augite giki ni kirathimo kinene Ngai avotithitie mundu kumutungatira, na uguo wa mundu avatie kuthii nambere kuvingia wendi wa Ngai thiini wa uturo wake.
Mwenari wake muthikavu Paul Kariuki Njiru nuuritie aria maratungata thiini wa maritana ngurani gwikirira mwito wao wana kuri na maurito.
Nake vatiri Alex Mati ndanathitha gikeno giake akiuga wega wa Ngai niukoretwe nake na nikio avotete gukinyia miaka ino utungatiri.
Ngunguiro ino irekinyitue ni magana ma andu ai vamwe na akristu kuuma parishiri itiganite diocesiri ya Embu.
-Wanja Njiru-
