Makiria ma andu 900 nimakuite na magana ma andu gutigwa mena ngurario vururiri wa Afghanstan vuva wa kithingithia kinene kiria kionekete vururiri ucio. Vuvu ni kuringana na ndumiriri iria irekereretue mi murungamiriri wa ruvonge rwa kuramata moogwati vururiri ucio.
Giki nikio kithingithia gicuku kwoneka gitaru kia Asia kuria kivutitie kilometer 46. Ruvonge rwa ugitiri vururiri ucio ni rutumite gikundi kia arigitani wa vamwe na ndege mugwanja muthemba wa helicopter gutethereria gukua aria maguraritue na kumatwara civitari ngurani.
Gikundi gia Taliban ni gikite mucemanio niguo kuvanga uria magatethereria gutwara aria maguraritue civitari vamwe na gutwara utethio kuri micii ya aria maringikite, ino ni kuringana na mwaria wa gikundi kiu Zabiullah Mujahid.
-IAN MWITI-
Mbica irutitwe online