Iganda cia manjani iria iri rungu rwa mungano wa arimi a manjani vururiri niguo KTDA ni ciirigiriritwe kurekereria mbeca cia bonus igikinyithia tariki ikumi mweri wa mugwanja.
Ino ni mieri ina mbere ya riria maragwataga miaka ya vau vuva kuria maagwataga marivi ma bonus mweriri wa ikumi.
Iganda cionthe 69 irevokwa kuvecana iwango cia marivi maria merigiriritwe gukorwo mari iguru ikiringanithua na ma mwaka muvituku.
Akamiti a board cia iganda cionthe ni merigiriritwe gucemania igikinya mwico wa mweri uyu niguo kuvanga iwango cia marivi. Gukinya riu iganda inya niirutite iwango cia marivi.
Kunari uguo, arungamiriri anene a iganda nyingi nimaugite matiendetie manjani mao ma mweri wa gatano na uguo kuringana na mendekithia macio ma ruvonge rwa urimi, magacukumwa gukova niguo kuriva arimi guku magieterera manjani magurwe Mombasa.
-IAN MWITI-
Mbica irutitwe online
