Kieva na kiriro nikigumirite onjoria thokori ya Embu na Shauri vuva wa mwaki gututhuka umunthi uyu thokori iyo.
Kuringana na aria marari thokori ino, mwaki uyu ututhukire indi iria maavitha a vorithi makugeragia kuthamburukania onjoria a boda boda aria marari na mururungano makiendekithia gwitikirua kwenderia miraa thokori iyo.
Nicholus Kamau, mwonjoria thokori ino, augite mwaki uyu ututhukire riria maavitha a vorithi mekirie ngaci ya kuruta methori iria niyo icungirire mwaki uyu.
Indo cia makiri ma mbeca niivite na gutiga onjoria ama magitara acara nene undu uria maugite niwamacokia nthi kimbiacara.
Riu nimaugite marivwe acara ino niundu oo matirari thagathagari iria irari kuo na kuvoya kivoto kionekane.
-Mbuya Ngari-
Mbica irutitwe online
