Kiama kia mawakiri vururiri nikiuritie ovici ya munene wa nthitango cia mwingi kuthiria ngucanio na ruvonge rwa uthuthuria wa wikinai DCI thiini wa ciira iria iramurika maavinya ma kwandika maratathi ma nthitango.
Kiama giki muthenya wa umunthi kuvitukira rais wao Eric Theuri, maugite ngucanio gatagati ka mbua icio igiri nikuracerithiria uthii wanambere wa kuthikirirua na gutucanua kwa nthitango.
Wavo, mawakiri nimauritue kurega maratathi maria magakinyua igotiri munene wa nthitango cia mwingi Noordin Haji ateci.
Makionekana gukorwa mwena wa munene wa nthitango cia mwingi, kiama giki kia mawakiri nikiugite ni wira wa Haji gutigirira wendi wa mwingi niwakinyanirua na kivoto nikiavecanwa niguo kurigiriria kwagararwa kwa mawatho ma uvecani wa kivoto.
-Mbuya Ngari-
Mbica irutitwe online
