Timu ya ikundi itiganite cia kuvurana na wikinai kauntiri ya Embu nimagwatite njovi cia ivango thokori ya Ugweri, gicigo kia Runyenjes, kauntiri ya Embu kiroko kia umunthi.
Mwikuirwa munene aragarurite mukawa na guutua vandu va kuthondekera na gwikira njovi cia ivango micuvari.
Timu ino iratongoretue ni komicona kauntiri ino ya Embu Eddyson Nyale, uria uvecanite mukana kuri onjoria aria maravirithia nambere mbiacara itaagiririkite kauntiri ino, akiuga mithenya yao nimitare.
Indo iria igwatitwe ni krati na micuva itari kindu, ikuniko, mitungi iri na methanol, matangi ma manji maria maratumikaga kuringiria njovi ino gatagatiri ka indo ciingi.
Maavithaa a vorithi nimekitie ngono aruti wira airi na nimaambiriritie gucarania na mwikuirwa munene.
-Mbuya Ngari-
Mbica irutitwe online
