Munini wa raisi William Ruto augite ruvonge rwa ugima wa mwiri ruravatara gukirirua na njira nene , ni kwona rukoretwe rukigumirwa ni mathina mengi.
Akiaria iguru ria maundu maria mungano wa Kenya Kwanza ukavingia ruvongeri rwa ugima wa mwiri augite ruvonge ruru ruravatara mwerekera wa Bottom Up uria arekirira.
Ruto wavo augite akenya engi macukumagwa gucaria utungata wa urigiti thivitariri cia level 4 na 5 nikwona mationaga mangitungatirwa na njira yagiririkite thivitariri nini.
Undu uyu augite niguo ukoretwe ugicuria thivitari cia level 4 na 5 noguo kuvutia uvecani wa utungata.
Riu augite kivonia kia thina uyu nigukiriria icigo cia urigitani iria iri nthi ta dispensaries niguo arigitani mavote gutungatira mwingi.
Wavo munini wa raisi augite kaunti nyiingi ikoretwe na ngucanio na ruvonge rwa kuramata wendia na uguri wa ndawa niruo Kemsa na mathina mama matikoretwe makirumbuuwa.
-Wanja Njiru
Mbica irutitwe online
