Muthikavu wa diocese ya Embu Paul Kariuki Njiru niuritie mwingi kugitira uturo wa ciana na guciitikira ta kirathimo kuma kuri Ngai.
Uyu ni mwito avecanite vuva wa kwongerereka kwa uragi wa ciana kuvitukira kuruta mavu, ndeto iria yumanite na ciigwatio cia kuuga mwana uyu ndarari muvangire, kana kuuga uturo ni mumu wa kurera mwana.
Muthikavu Kariuki augite Ngai akoragwa na muvango wa mwana wa wonthe mbere ya agakinya nthi ino na uguo uturo wake ni wa vata na uvatie gukenererwa.
Kuringana na ripoti ya mwaka wa 2022 ya State of World Population, thiini wa vururi wa Kenya, vakuvi nuthu ya mavu maria magicagwa makoragwa matekwendekana, na gicunji kia 60 vari igana kia mavu mama marikagiriria na kurutwa.
Mwenari wingi, ripoti iria irekereretue ni United Nation Population Fund, yonanitie atumia na eritu matanyivirite 2,600 nimakucaga vururiri uyu wa Kenya wa mwaka indi ya kuruta ivu.
-Mbuya Ngari-
Mbica irutitwe online
