Ekari a itura ria Ngangari wardiri ya Mbeti South kauntiri ya Embu nimakaite ni wagi wa thitima varia mamenereretie mutaratara uria uratumika gwikirira andu thitima nikwona andu engi nimaiiritwe mbeca ciao.
Makiaria na kameme ga Kimuri fm maugite wagi wa thitima guku numacoketie na vuva.
Kuringana na Boniface Njeru mwikari guku augite igeria riao ria kugucia thitima riticiarite matunda na riu mauritie atongoria ao kumurika thina uyu.
Wonjoria naguo utigitwe vaceke nikwona aria mai mbiacarari macukumagwa kuvinga tene na mbiacara iria itumagira thitima itingivota gutwarithua nambere.
Mwivoko wa ekari niati nimakuthengutirua nduma iria itumite marega kwona uthiyi wanambere.
-Wanja Njiru
