Ruvonge rwa ugima wa mwiri muthenya wa umunthi nirwaniririte arwaru 392 nimonekanite na murimu wa covid-19 vuva wa ithimi 3,124 gwikwa rungu rwa mathaa 24 mavituku, giki ni gicunji kia 12.5 vari igana.
Gatagatiri ka arwaru ama, akenya ni 357 namo 35 maumite nja ya vururi, atumia ni 204 namo anduarume ni 188. Uria munini ari na ukuru wa mwaka umwe nake uria mukuru muno ari na ukuru wa miaka 87.
Aria monekete na murimu uyu gukinyagia riu ni 333,290 nacio ithimi iria ciikitwe gukinyagia riu ni 3,753,920.
Kaunti ya Nairobi yandikithia arwaru 169, Nakuru 43, Siaya 27, Kilifi 22, Kiambu 21, Mombasa 17, Trans Nzoia 12, Murang’a 11, Uasin Gishu 11, Kisumu 9, Garissa 6, Kericho 6, Kisii 5, Nyamira 5, Tana River 5, Nyeri 4, Kajiado 3, Kakamega 3, Homa Bay 2, Kwale 2, Laikipia 2, Meru 2, Narok 2 kaunti cia Baringo, Bungoma na Embu ikiandikithia murwaru umwe wa kaunti.
Kuringana na minista wa ugima wa mwiri Mutahi Kagwe, arwaru 230 nimavorete murimu uyu rungu rwa mathaa 24 mavituku, naguo undu wa gukenerera gutiri mundu utoretue ni murimu uyu na uguo ikuu irungamirite 5,652.
-Mbuya Ngari-
Mbica irutitwe online
