Ruvonge rwa ugima wa mwiri umunthi nirwaniririte andu 258 nimonekanite na murimu wa covid-19 vuva wa ithimi 3,206 gwikwa rungu rwa mathaa 24 mavituku, kiria ni gicunji kia 8.0 vari igana.
Gatagatiri ka arwaru ama, akenya ni 235 namo 23 maumite nja ya vururi, anduarume ni 142 namo atumia ni 116, uria munini muno ni mwana wa ukuru wa mieri ithatu na uria mukuru muno ari na ukuru wa miaka 95.
Aria riu monekanite na murimu uyu ni 333,952 nacio ithimi iria ciikitwe gukinyagia riu ni 3,760,201.
Kaunti ya Nairobi yandikithitie arwaru 105, Kiambu 30, Siaya 20, Nakuru 17, Kilifi 12, Nyeri 8, Bungoma na Murang’a 7 wa kaunti, Busia, Laikipia na Mombasa 6 wa kaunti, Trans Nzoia 5, Kisumu na Nyamira 4 wa kaunti, Migori na Uasin Gishu 3 wa kathatu, Kakamega, Machakos na Meru 2 wa kaunti nacio kaunti cia Bomet, Garissa, Homa Bay, Kisii, Kwale, Mandera, Narok, Tana River na West Pokot ikiandikithia mundu umwe wa kaunti.
Minista wa ugima wa mwiri vururiri Mutahi Kagwe, augite arwaru 419 nimavorete rungu rwa mathaa 24 mavituku. Undu wa gukenerera ni ati gutiri mundu utoretue ni murimu uyu na uguo ikuu irungamirite 5,653.
-Mbuya Ngari-
Mbica irutitwe online
