Ekari a Muthwani kaunti ya Machakos nimakairite ruvonge rwa kuramata nyamu cia kithaka KWS, makiuria ruvonge ruru kuthondeka rugiri rwa thitima niguo kurigiriria kutharikirwa ni nyamu cia kithaka iria iratharikira ciana ciao, nyamu ciao cia micii na gucukangia mimera yao.
Kiumia giki, ciana igiri niitharikiritwe ni mbiti varia mwana umwe atharikirwe akiuma ndukari na riu athiite nambere kwamukira urigiti civitariri nene ya Kenyatta nake mwana ucio wingi akiamukira urigiti civitariri ya Machakos Level Five.
Ekari ama nimaugite ti rita ria mbere gukaa ni thina uyu niundu kuri na indi mutumia umwe na mwana wake mavonokirue ni aturi makitharikirwa ni mbiti.
Riu thina uyu utumite arutwa kugendaga cukuru gukere niundu wa guoya wa kutharikirwa.
-Mbuya Ngari-
Mbica irutitwe online
