Icera ria mungano wa Kenya Kwanza Embu nirithiite nambere varia riambiririe thiini wa thoko ya Kithimu gicigo mbunge kia Manyatta.
Akiaria mutongoria wa kiama giki William Ruto nuthiite nambere kuvurira ndeve mungano uyu na kuuga nugakorwa ukithiria miradi itiganite ai vamwe na varavara ya Kithimu- Ena na iria ikoretwe ii gitangiko kinene gwi ekari gwa kavida.
Kavidari wa kau Ruto akionekana kwingirira uteti wa Embu , varia auritie muvuraniri wa ungavana na kiama kia mbathi Lenny Maxwell Kivuti kwithema kwendia mungano wa Azimio kauntiri ya Embu na kuvurira ndeve avuraniri matiganite na mungano wa Kenya Kwanza vamwe nao Cecily Mutitu Mbarire , avuraniri a useneta David Kariuki kana Alexander Mundigi , muvuraniri wa mumbunge wa manyatta Gitonga Mukunji na uria utiramite giturua kia Mca wardiri ya Kithimu na kiama kia UDA Ndwiga Karuri.
Mwenari wake Cecily Mbarire akiuria Ruto gutigirira niagakorwa agitenga mbeca cia kurikia thoko ya kithimu iria ikoretwe itari ndiku gwa kavida.
Senator wa Tharaka Nithi Kithure Kindiki vamwe na spika Justin Muturi makithii nambere kuria ekari kunyita mbaru mungano wa Kenya kwanza.
Ruto aumagarukitue ni atongoria engi ai vamwe na muvuraniri wa giturua kia munini wa raisi Kenya Kwanza Rigathi Gachagua ,Alfred Mutua na ateti engi aria maranyita mbaru Kenya Kwanza.
-Wanja Njiru
Mbica irutitwe online
