Ruvonge rwa ugima wa mwiri nirwaniririte arwaru 297 nimonekanite na murimu wa COVID-19 vuva ya ithimi 3,100 gwikwa vanduri va mathaa 24 mavituku na kuongerera utambia wa murimu uyu nginyagia gicunji kia 9.6 vari igana.
Kuuma kuri arwaru a muthenya wa umunthi, 261 ni akenya naao 36 maumite nja ya vururi varia uria munini ni mwana wa mieri iiri na uria muru aina miaka 99.
Kaunti ya Nairobi itongoretie na arwaru 114, Kiambu (27), Nakuru (23), Machakos (19), Uasin Gishu (17), Kericho (14), Kilifi (14), Busia (13), Kirinyaga (12), Kisumu (9), Siaya (8), Mombasa (5), Laikipia (4) na Nyandarua (4).
Garissa, Homa Bay, Kajiado, Kakamega na Kitui arwaru airi wa kaunti guku kaunti cia Bungoma, Narok, Nyamira na Nyeri ikiandikithia mundu umwe wa kaunti.
Wauguo arwaru 454 nimavorete; 453 maumite muvangori wa kumenyererwa mari mucii nake umwe akirekererua kuuma thivitari. Aria mavorete makinyite 348,826.
Kunari uguo minister wa ugima wa mwiri Mutahi Kagwe augite andu airi nimakuite na gukinyia namba ya aria makuite gukorwa mari 5,655.
Muvangori wa kuvecana njanjo ni undu wa murimu uyu wa Covid-19, ni andu 18,857,820 macanjitue icigori itiganite guku vururiri.
Kaari wa Mugendi
Mbica irutitue online
