Muungano wa Azimio la Umoja One Kenya muthenya wa umunthi Njumaine macerete kauntiri ya Nyeri kuvurira ndeve itanya riao ria gutongoria vururi.
Akiaria ai tauniri ya Karatina, muvuraniri wa uraisi munganori uyu Raila Odinga eririte magatigirira nimarumbuiya maundu monthe maria meririte akenya varia akumitie maundu maria avotete gukinyaniria ai thirikariri.
Wauguo, Odinga akiririra gutigirira ngarama ya muturire niyathii nthi vamwe na gukorwa kwina mieke ya mawira kuri arutwa aria mararikia cukuru.
Muvuraniri wa giturua kia munini wa raisi munganori uyu Martha Karua, mwenari wake augite itanya riao ni gutigirira kuri na urumwe vururiri na wavo guukiriria akenya.
Karua wauguo numurikite ang’ethaniri ao na kumauria gwika kambini ciao na njira yagiririkite matakuthoga kambini cia aria engi, varia amenereretie itua ria ateti amwe ria kwandika andu kuthoga micemanio ya uteti.
-Wanja Njiru
Mbica irutitwe online
