Aciari na aria mamenyagirira ciana nimauritue gwikirira thiini wa ureri mukinyaniri kavinda gaka ciana icokereretie micii vuva wa cukuru kuvingwa gwa kavinda kanini.
Ndumiriri ino ivecanitwe ni muthikavu munene wa Archdiocese ya Nyeri Anthony Muheria uria waritie na njira ya mwanya na kameme ga Kimuri fm, guku agikanyiriria vaina vata wa aciari gukorwa metho niguo ciana ikure na migendere miaro.
Wauguo muthikavu munene Muheria agikanyiriria aciari gukorwa na kavinda na ciana ciao kavinda gaka mai mucii vamwe na gutuma urata nginya na ciana nini niguo kumenya maundu maria ciana iravitukira na kumarunga na njira mbaro.
Namo mavoya nimavata thiini wa mucii niguo ciana gukorwa na migendere miega varia aciari maririkanitue kuthomithia ciana kuvoya vamwe na kumagitira kuumana na ndumiriri iria iramathomithia mitugo itagiririkite.
-Wanja Njiru
Mbica irutitwe online
