Aria mekaraga na ciana cia ndigwa wardiri ya Kiambere kauntiri ya Embu nimauritie thirikari gutethia ciana ino niguo ikure ta ciana iria ciingi varia medekithitie ciana ino kurugamirirua kimathomo na nyomba cia gwikara.
Makiaria na metha ya movoro maugite ciana ino kengi niirekora ugwatiri wa gutumirwa nai niguo magie indo iria maravatara muturireri.
Wauguo makaite ni maurito maravitukira kavida karia marekara na ciana ino na ringi mundu aina ciana ciake na iria ciina mavatara wanacio, na nwanginya uciigananie cionthe niguo ino cia ndigwa itikemene.
Mwenari wake murungamiriri wa wardi ya Kiambere Lenny Masters augite nikuravatara mitaratara vamwe na mawatho gwikirirwa thiini wa mbiacara ya wendia wa muthanga niguo kugitira ciana kuumana na kwanangirua muturire wao guku akiedekithia malori mama ma muthanga gukorwa matagwitikirua gukorwa guku mathaa ma utuku.
-Wanja Njiru
Mbica irutitwe online
