Mwaria wa thirikari Cyrus Oguna augite mutongoria wa vururi raisi Uhuru Kenyatta ndagirirwe kworotwa niundu wa kwambatira kwa ngarama ya muturire undu uria uvutitie muno vururi wa Kenya.
Oguna akiaria na nyomba iwe ya movoro augite kwambatira kwa ngarama ya muturire niundu uravutia mavururi mengi twa Kenya ntheri.
Wauguo akiuga raisi ndari na undu angirigiriria mbara ya Russsia na Ukraine iria uvutitie na gikiro kinene utonga wa vururi.
Oguna niamurikaga maundu maria mungano wa Kenya Kwanza ukoretwe ukimurika na kuuga ngethi gatagati ka raisi Uhuru na Odinga nicio icangiririte kwambatira kwa ngarama ya muturire.
Riu augite ndumiriri ta ino gukorwa ikivecanwa ni ateti ni njira ya gwicariria kumenyekana makitharikira thirikari.
-Wanja Njiru
Mbica irutitwe online
