Maminista ana vururiri mari na ciuria cia gucokia vuva wa ngari imwe na indo ciingi cia uthii kuraa na njira ya kiriga nvongeri ciao.
Nvonge ino ni vamwe na ruvonge rwa kithomo, ugendi, wonjoria na iganda na varia kuringana na uthuthuria ngari ciurite na njira ya kiriga.
Kuringana na rivoti ivecanitue ni muthurimi wa mathavu ma mwingi, Nancy Kathungu, ruvonge rwa kithomo na ruria rutongoragua ni Prof Goerge Magoha, mwakari wa 2019 ngari njeru ya mwigana wa ciringi million 8.4 niyaurire na njira ya kiriga.
Thiini wa ruvonge rwa ugendi ruria rutongoragua ni James Macharia, ngari ya mwigana wa ciringi million 6.5 wanayo niurite na njira ya kiriga.
Kwingi nakuo ngari cia mwigana wa mbeca itaramenyekana niciurite thiini wa ruvonge rwa wonjoria na iganda na ruria ruri rungu rwa Betty Maina.
Thiini wa ruvonge rwa ugima wa mwiri na ruria rutongoragua ni Mutahi Kagwe, uthuthuria wonanitie ngari ithathatu vamwe na laptop imwe niciitwe thiini wa ruvonge ruru.
Kamuthenya Junior
Mbica irutitwe online
