Mutongoria wa muungano wa Azimio la Umoja, Raila Odinga nike wendekithitue ni andu engi kuvuranira giturwa kia urais kauntiri ya Nairobi mari vamwe na munini wake Martha Wangari Karua, ino ni kuringana na uthuthuria uria urekereretue muthenya wa umunthi.
Uthuthuria uyu uria wikitue ni kambuni ya Infotrak, wonanitie Raila na Karua maina gicunji kia 49. Nake mutongoria wa muungano wa Kenya Kwanza aina gicunji kia 30 vari igana.
Mutongoria wa kiama kia Roots, George Wajackoyah na munini wake, maina gicunji kia 5 vari igana.
Gicunji kia 15 vari igana naao makirega kuuga uria maranyita mbaru kuvuranira giturwa giki kia urais.
Wauguo uthuthuria uyu niwonanitie kiama kia ODM kiria gitongoretue ni Raila nikio kiri na ngumo makiria kiri na gicunji kia 51 vari igana, kiama kia UDA rungu rwa utongoria wa Ruto gikirumiriria kiina gicunji kia 31 vari igana.
Kiama kia Jubilee kiina gicunji kia 8 vari igana nakio kia Wiper kiri na gicunji kia 6 vari igana, nacio cia Roots na ANC ciina gicunji kia imwe vari igana.
Kaari wa Mugendi
Mbica irutitue online
