Ngavana wa kaunti ya Meru Kiraitu Murungi niuvuritwe njeki mworotori wake wa kuvuranira giturwa kia ungavana rita ria kairi kauntiri ya Meru. Ino ni vuva wa atongoria makiria ma 500 aria mari kiamari gia Party of National Unity nikio PNU kiria gitongoretue ni minista wa urimi Peter Munya kuuga makamuvurira ndeve.
Kiraitu na Munya aria onthe mari muunganori wa Azimio la Umoja One Kenya matikoretwe na wigucano gwa kavinda karaca.
Mugambi Imanyara uria niwe murungamiriri wa kambini cia Azimio kauntiri ya Meru, nierire atongoria acio wira wao munene ni kuvurira Raila Odinga ndeve giturwari kia urais vamwe na Kiraitu Murungi.
Akiaria Kiraitu niaugite kugwatanira na atongoria ama gukaretera Raila Odinga kura nyingi kuma kauntiri ya Meru.
Munya makoretwe marina miario micuku na Kiraitu kumana na mawatho maceru ma kuramata urimi wa miraa maria Munya anirire.
IAN MWITI
Mbica irutitwe online
