Thirikari ya Tanzania niyambiriritie uthuthuria wa murimu utaramenyeka na uria ututhukite vururiri uyu na kuraga andu athatu mwena wa Lindi.
Rivoti cionanitie andu engi 13 mena murimu uyu uria utaramenyeka na uria uraukania na ndariri itiganite vamwe nacio ii guturwa ni kiongo, kuma minoga na kwigua mwiri wi munogu.
Murwaru umwe akirigitwa na kuvora murimu uyu na engi kenda makiigwa varaca na andu.
Ndagitari Aifelo Sichalwe, uria nike munene wa urigitani Tanzania, augite murimu uyu ndungikorwa wi Ebola, Marburg kana COVID-19, vuva wa ithimi gwikwa na kwonania matirina mirimu ino.
Sichalwe niauritie ekari a Lindi na Tanzania kugia wetereri kwona thirikari rungu rwa raisi Samia Suluhu niirageria kwetha kivonia kia murimu uyu.
-Ian ngugi-
Mbica irutitwe online
