Uria wari muthaki wa Sofapaka, Wisdom Naya niakwite ena ukuru wa miaka 19. Ng’ina Dianah Cherop augite Naya akorirwe agikua umunthi kiroko kuria akoretwe arwarite gwa kavinda vuva wa gukorwa atinitue kuguru gwake.
Naya egwatanirie na kiravu giki mwaka wa 2019 vuva wa kurikia e muthaki njorua macindanori ma Coca-Cola ma athaki aria matakinyitie miaka 16 maria mekikite mwaka wa 2018, riri atongoretie timu yake ya St Anthony.
Naya athakire kimera kimwe, mbere ya kugwata ngurario ya iru na gutigana na kiravu gia Sofapaka. Nyimba iria yari iruri riake niyongererekire na gutuma athinjwe kuguru, kuria athiire vururiri wa India kuria amenyere ena murimu wa cancer uria wacungirire gutinua kuguru gwake.
-Ian Mwiti-
Mbica irutitwe online