Aciari aria ciana ciao ciingatitwe cukuru, wardiri ya Mbeti South, Mbeere ya Itherero kauntiri ya Embu nimauritie thirikari guka na mitaratara miaro ya kithomo gutigirira ciana itirengatwa cukuru.
Mwito wao ukite vuva wa ciana cia cukuru cia mwingi mwena uyu kwingatwa cukuru muthenya wa mbere mavingura kiumia kivituku, na kumana na kwambatira kwa ngarama ya muturire mativotete gucokia ciana ino cukuru.
Wauguo, makaite ni mbeca iria maretua cukururi cia irio varia maugite matikoretwe na kimera migundari kingimarugamirira.
Riu aciari aya maugite ciana ciao cii ugwatiri wa gutecaniria mathomo mao kaimana nikwona amwe mengatwa maracaria mawira kana engi kwingira ivikori.
Mwenari wake Aaron Muriithi uria ni mwarimu auritie thirikari gutigiriria mbeca cia mathomo niciarekererua tene niguo ciana itikengatwe ni kwona undu uyu nurituvagiria arimu murigo wa kuthomithia ciana iria itiraga cukuru mavinda kwa mavinda.
-Wanja Njiru
Mbica irutitwe online
