Ngavana wa Murang’a Mwangi wa Iria niwaniririte kiama giake gia Usawa kwa Wote kiranyita mbaru Raila Odinga gutuika raisi.
Akiaria na andiki a movoro muthenya wa umunthi, Wa Iria augite atuite itua riri vuva wa itanya riake ria kuvuranira giturua kia uraisi kuringa ithiga.
Wavo nuvuririte ndeve Odinga varia auritie aikia kura a Murang’a kuvecana kura ciao 620,000 kuri Odinga.
Kuringana na Wa Iria, aranyita mbaru Odinga niundu niwakorirwe akirugama nake na kuga IEBC ndiamuva kivoto.
Ngwataniro yake na Odinga wavo augite niigutethia arimi kugia nvindi cia kuvanda gutari na marivi na wamucii ugie ng’ombe nao onjoria anini magie mikovo itari na maciaro.
-Wanja Njiru
Mbica irutitwe online
