Murangiri umwe niuragitwe riria itoi itharikire cukuru umwe wa sekondari kauntiri ya Kirinyaga.
Peterson Karimi, wa ukuru wa miaka 60, akuire kumana na ndivangio iria agire cukururiri wa St Francis Waigiri Day Secondary School gicigori mbunge gia Kirinyaga ya gatagati.
Maavithaa a vorithi maugite itoi ino ciire computer igiri na ciringi 27,000. Itoi ino ciitikitue kuthithukira cukuru uyu thaa kenda cia kiroko varia movanirie murangiri uyu mbere ya kumutwara gwa kurugira na kumutema nginya gukua.
Kithomo nikiambire kurungamua kiroko niundu wa kimako kuri arutwa, arimu na aruti wira engi.
Agikira kirore ndeto ino, munene wa maavithaa a vorithi Stephen Wambua augite maavithaa ake nimethiririe murangiri uyu ari muteme kiongo na uthuthuria niwambiriritie, guku akiuria mwingi kuvecana ndumiriri wa yonthe ingitethereria gwikia ekuirwa ngono.
Mwiri wa mutigairi niutwarirwe nyomba ya kuiga miiri ya civitari ya Kerugoya Referral.
-Mbuya Ngari-
Mbica irutitwe online
