Ruvonge rwa ugima wa mwiri muthenya wa umunthi nirwaniririte andu 76 kwonekana na murimu wa covid-19 vuva wa ithimi 1,680 gwikwa rungu rwa mathaa 24 mavituku kiria ni gicunji kia 4.5 vari igana.
Gatagati ka namba ino, akenya ni 70 namo 6 maumite nja ya vururi, anduarume ni 44 atumia mari 32. Uria munini ni mwana wa ukuru wa miaka 4 nake uria mukuru muno ari na miaka 84.
Aria riu monekanite na murimu uyu makinyite 337,161 nacio ithimi iria ciikitwe gukinyagia riu ni 3,805,765.
Kaunti ya Nairobi yandikithitie arwaru 44, Samburu 9, Tana River 9, Siaya 2, Kajiado 2, Kericho 2 nacio kaunti cia Baringo, Bungoma, Homa Bay, Kakamega, Kiambu, Kitui, Mombasa na Taita Taveta ikiandikithia murwaru umwe wa kaunti.
Kuringana na minista wa ugima wa mwiri vururiri Mutahi Kagwe, arwaru 124 nimavorete murimu uyu rungu rwa mathaa 24 mavituku.
-Ian Ngugi-
Mbica irutitwe online
