Arutwa aria mekire kigeranio gia KCSE mwaka wa 2021, kuma muthenya wa Njumatatu kiumia giuku tariki 25 nimakavota gucenjia university na college iria moocetwe niguo gutonya iria makwenda.
Ruvua rwa Kenya Universities and Colleges Central Placement Service (Kuccps), thiini wa mucemanio na andiki a movoro, nimaniririte makavingura rurenda rwao Njumatatu niguo kuvotithia gucenjia cukuru.
Muvangori uyu, arutwa aria moocetwe cukuru cia Technical and Vocation Education Training Institutions (Tvets) wanamo magakorwa na mweke wa gucenjia college na koci iria mundu ocetwe.
Avithaa munene wa Kuccps ndagitari Agnes Wahome augite mweke uyu wa gucenjia cukuru ugakinya muthia tariki 24 mweri muku wa kanana.
Wahome augite aria makavitukua gucenjia cukuru makaruta marua ya gucenjia cukuru thiini wa portal yao.
-Mbuya Ngari-
Mbica irutitwe online
