Ruvonge rwa ugima wa mwiri umunthi nirwaniririte andu 50 kwonekana na murimu wa covid-19 vuva wa ithimi 1,869 gwikwa rungu rwa mathaa 24 mavituku kiria ni gicunji kia 2.7 vari igana.
Akenya ni 43 namo 7 maumite nja ya vururi, atumia ni 26 namo anduarume mari 24. Uria munini ni wa ukuru wa miaka iri na uria mukuru ari na miaka 82.
Andu aria monekanite na murimu uyu riu makinyite 337,389 nacio ithimi iria ciikitwe igikinya 3,812,509.
Kaunti ya Nairobi yandikithitie arwaru 23, Trans Nzoia 7, Kilifi 5, Siaya 3, Garissa, Kirinyaga na Machakos 2 wa kaunti nacio kaunti cia Embu, Isiolo, Kisumu, Kitui, Laikipia na Mombasa ikiandikithia mundu umwe wa kaunti.
Kavindari wa kau, arwaru 110 nimatoretie king’oki giki kiria umunthi gitoretie andu airi. Namba ya ikuu riu ikinyite 5,672.
Njanjo 19,658,988 nicio ivecanitwe gukinyagia riu guku vururiri.
-Mbuya Ngari-
Mbica irutitwe online