Niguo kuthiria murundiko wa cira iria ii magotiri na iria iravutania na ugai wa indo gatagati ka andu a mucii jaji munene guku vururiri Martha Koome, niamurithitie magoti gutenga kiumia kimwe kia kuthikiriria na gutwithania cira ino.
Muvango uyu ugakorwa ukianjiriria tariki 1-5 mweriri wa kanana mwaka uyu varia magoti magakorwa makithikiriria na kuvecana mweke kwi andu a mucii kuthiria cira cia ugai kuvitukira njira ya miario na wamuri uria ugetikanirua ugitikirwa ni igoti.
Kuringana mucirithani wa igoti ria ,Embu, Dorcas Endo, kwina cira nyingi iria ivutanitie na ugai wa indo magotiri akiuga imwe cikinyiruae igotiri makiria ya miaka 20 mithiru.
Riu endo akiuria mwingi wa Embu na aria mari na macira mama gukorwa makiyumiria niguo macira mama gukorwa makithikirirua na kwamurwa . Niguo kumenya cira iria igakorwa ikithikirirua mundu nacere ovisiri ya cifu niguo kugia ndumiriri makiria.
Kamuthenya Junior
Mbica irutitwe online
