Mavururi kuma miena itiganite ya Asia mari ugwatiri wa kugumirwa ni murimu wa Monkeypox na varia manjitie kwandikithia ciiko cia murimu uyu wariria mungano wa ugima wa mwiri nthi ngima waniririte murimu uyu ta ugwati munene nthi ngima.
Wathani wa vururi wa Japan niwaniririte giko kia mbere kia monkeypox kuma kwi raiya wa vururi uyu wa ukuru wa miaka 30 na uria araumite thiini wa icera gitaruri kia Europe .
Igikinya tariki 2 mweriri wa kanana mwakari, mungano wa ugima wa mwiri nthi ngima niwaniririte ciiko cia murimu wa Monkeypox ngiri 27,000, kuma kwi mavururi 88.
Imwe cia ndariri cia murimu uyu wa monkeypox ni ,guturwa ni kiongo, murukuthu ,guturwa ni marungo na gutura vinya .
Vuva wa ndariri ino mundu akoragwa akirwara ndunda mwiri mugima na iria cikaraga gwa kavinda ga ciumia igiri kuthii inya.
Kamuthenya Junior
Mbica irutitwe online
