Minista wa ugitiri wa ndari ya vururi Fred Matiang’i nureganite na ndumaniriri ya munini wa raisi William Ruto iria yugite maavitha a ugitiri a National Police Reservists nimathengutirue Kerio Valley ita njira ya kumuverithia.
Akiaria utuku wa igoro, munini wa raisi nurakorirwe akiuga kuthengutua kwa maavitha acio a ugitiri wai undu wacukumirwe ni maundu ma uteti.
Kunari uguo minista Matiang’i muthenya wa umunthi numenereretie ndumiriri iyo na kuga mitaratara yonthe ya ugitiri ikagirwa kwina miaranirio nginya na atongoria a kuria kwina uvaguki wa ugitiri.
Wauguo Matiang’i akiereithia ruvongeri rwa ugitiri, nigukoragwa gukirorua mavida kwa mavida uria maundu mavana niguo kumenyekana kiria kiravatarika icigo ino.
Riu Matiangi auritie atongoria a uteti kwithema na gutukania uteti na maundu ma ugitiri.
-Wanja Njiru
Mbica irutitwe online
