Atumia athatu nimekitue ngono gicigori mbunge kia Emurua Dikirr, kauntiri ya Narok magikuruvanua na kugura ivande 16 kuma kuri andu gicigori kiu.
Akiaria na andiki a movoro, Isaac Masinde uria ni komicona wa kaunti, augite athatu acio meekirue ngono muthenya wa Njumaine kiumiari na magakinyua igotiri niguo kivoto kioneke.
Wavo Masinde augite maavitha ma vorithi nimaramenya kuria ciiko icio irekika na makang’ethanira na aria maraciika.
Kaunti ya Narok yagwetirwe iri ya mugwanja kauntiri iria irekuirwa gutwarithia nambere mbiacara ya kwendia ivande, kuria mweri muvituku komiconi ya IEBC yaugire ciiko cia kugura ivande kuuma kuri andu aria mayandikithitie ta ekia a kura niciongererekete.
Mwenegiti wa IEBC Wafula Chebukati niwaugire nimaragwatanira na maavitha a vorithi niguo gutigirira andu aria mareka mbiacara icio nimekua ngono na kuthitangwa.
-Ian Mwiti-
Mbica irutitwe online