Vuva wa kwirutaniria na gucagura atongoria ao muthenya wa njumaine kiumia kivituku riu ekari a Kiarugu wardiri ya Mutira kauntiri ya Kirinyaga nimauritie atongoria aceru kugwtanira na kumathodekera varavara iria ikoretwe imaumiritie ugendi gwa kavida kanene.
Ekari iturari riri maugite riria kwaura ngaari itingivota kuthii, nao aria maratumira maguru mavitukagira kavida karito ni kugwa kumana na gucuka kwa varavara ya Kamuiru kuthii Kiarugu.
Kuringana na muvujia Francis Kithinji augite gucuka kwa varavara ino gutigite onjoria na iringa rinene varia arimi maratara athara ni kuremwa gukinyia maketha mao thokori undu ukanyiriritue ni Teresia Wanjuki.
Riu mwito wa ekari kuri atongoria ao ni kuvingia ciiraniro iria makoretwe makimeririra kavida karia maracaragia iturwa ngurani nitondu oo nimeyumirie na kumaikiria kura.
-Wanja Njiru
